LIFE NADAPTA
2017ko abenduaren 27an, eskualde batean klima-aldaketara egokitzeko estrategia baterako lehen proiektua aurkeztu zuen Nafarroako Gobernuak: LIFE NADAPTA 2017-2025. 15,6 milioi euroko aurrekontuarekin, Europar Batasunak Nafarroako Gobernuaren estrategian politikak eta agenteak txertatzeko konpromisoa eta gaitasuna balioestea erabaki zuen eta proiektu hau onetsi zuen. Proiektuan, INTIA enpresa publikoarekin, Zaragozako Unibertsitatearekin, eta Donostiako Ikerketa Teknologikoen Zentroarekin (CEIT) batera parte hartzen du NILSAk.
NILSAren lanak bi ildotan ardazten dira: hondakin organikoen tratamendu eta balorizazio agronomikoa eta hondakin-uraren fosforoa estruvita gisa prezipitazio bidez berreskuratzea.
Lehen aukeran lan hauek egiten dira: lohiak, janari-hondarrak eta simaurrak konpostatzeko instalazio pilotuak instalatu eta operatu, materia organikotik lortutako ongarriak erabiltzearen onurak eta arazoak ebaluatzeko helburuarekin, nekazaritza-finketan ongarritzeko ahalmenaren eta kutsadura-presentziaren jarraipena egin, nekazaritzako jokabide egokiak sortutako ongarri organiko desberdinetara egokitu eta sektore publikotik ateratako materia organikoaren kudeaketa-estrategia nekazaritza-sektoreko premiekin koordinatu.
Hondakin-uren fosforoa estruvita gisa prezipitazio bidez berreskuratzeari dagokionez, NILSAk bakarrik egindakoa, Tuterako araztegiko lohien tratamendu-lerroaren itzuleratik fosforoa lortzeko estruvita prezipitatzeko instalazio pilotu bat instalatzean eta operatzean eta instalazio pilotuak diseinatzeko laborategian aldez aurretik egindako azterketan eta saiakuntzetan ardazten dira lanak. Araztegiko ur zikinetan fosforo-ekarpena minimizatzea eta lohien balio agronomikoa hobetuko duen ongarria lortzea dira helburuak.
- Pribatutasun Politika eta Lege Oharra
- Cookieak
- Irisgarritasun
- Web garapena: Acuarela Digital